ມື້ນີ້ຢາກຈະເລົ່າເລື່ອງສູ່ກັນຟັງ ຫົວຂໍ້ເລື່ອງແມ່ນ “ວັດຕະຂອງເວັບໄຊລາວ” ອັນຄຳວ່າ “ວັດຕະ” ນີ້ໃນວັຈນານຸກົມພາສາລາວ ຂຽນໂດຍທ່ານ ມະຫາສິລາຯ ໄດ້ ແປໄວ້ດັ່ງນີ້:

ວັດຕະ ນ. ວົງມົນ, ການວຽນ,  ການວົນວຽນ, ຮອຍແກ່ງການວຽນເກີດວຽນຕາຍ (ປ. ວັຕຕະ)

ປະໂຫຍກວ່າ “ວັດຕະຂອງເວັບໄຊລາວ” ຈຶ່ງມີຄວາມໝາຍຢ່າງນຶ່ງວ່າ ການວຽນເກີດວຽນຕາຍຂອງເວັບໄຊລາວ. ເຫດອັນໃດຈຶ່ງກ່າວເຊັ່ນນັ້ນ? ຜູ່ຂຽນຈະຂໍໂອກາດເລົ່າສິ່ງທີ່ພົບເຫັນມາໃນໄລຍະເວລາຫຼາຍປີທີ່ຢູ່ກັບເວັບໄຊ… ຫາກເນື່ອງດ້ວຍເວລາທີ່ມີຈຳກັດ ຈຶ່ງເຮັດໃຫ້ບົດຂຽນນີ້ອາດຈະສັ້ນເກີນໄປແດ່ ກໍຂໍອະໄພລ່ວງໜ້າ.

ເວັບໄຊໃນລາວນັ້ນ ມີປະກົດຂຶ້ນນັບຕັ້ງແຕ່ກ່ອນຈະມີລະບົບ font (ຕໍ່ໄປຈະຂຽນວ່າ “ຟອນ”) ແບບ Unicode ອີກ ໃນສະໄໝນັ້ນ ເວັບໄຊລາວຈະເປັນພາສາອັງກິດ ຫຼືບໍ່ກໍ່ພາສາລາວ ແຕ່ໃຊ້ຟອນທີ່ບໍ່ແມ່ນມາດຕະຖານກາງແບບ Unicode ເຊິ່ງອາດຈະເປັນຟອນໃນຕະກູນ Alice, Saysettha ທີ່ໃຊ້ລະຫັດ LSwin ຫຼື 95 ເປັນຕົ້ນ ລະບົບຟອນແບບດັ່ງກ່າວຈະມີບັນຫາຫຼາຍເມື່ອນຳມາໃຊ້ໃນເວັບໄຊ ອັນເປັນເຫດໃຫ້ເກີດຂໍ້ຈຳກັດໃນດ້ານພາສາລາວ ຈົນມາຮອດປະມານປີ 2000 – 2001 ທີ່ມີຟອນແບບ Unicode ຂຶ້ນມາ ເວລານັ້ນແມ່ນ Saysettha OT ແລະມັນກາຍເປັນຟອນທີ່ນິຍົມໃຊ້ຫຼາຍທີ່ສຸດ (ໃນເວັບໄຊ) ເລື້ອຍມາ.

ເມື່ອຂໍ້ຈຳກັດດ້ານເທັກນິກຖືກແກ້ໄຂໄປແລ້ວ ບັນດາເວັບໄຊລາວກໍ່ພາກັນຈະເລີນງອກງາມຕາມລຳດັບ ເປັນຕົ້ນວ່າແມ່ນ LaoUpdate, LaoHub, LaoSmile, Inlao, Mahasan ແລະອື່ນ ໆ … ຫາກແຕ່ວ່າ ເຖິງຢ່າງໃດກໍ່ຕາມ ເວັບໄຊລາວສ່ວນຫຼາຍໃນຍຸກທຳອິດ ກໍ່ຍັງມັກໃຊ້ພາສາອັງກິດຢູ່ຄືເກົ່າ ເຖິງແມ່ນວ່າຈະມີຄຳວ່າ “Lao” ໃນຊື່ເວັບກໍ່ຕາມ ມັນກໍ່ມີເຫດຜົນຫຼາຍຢ່າງໃນເລື່ອງນີ້ ເຊັ່ນວ່າ: ຄົນສ່ວນຫຼາຍຍັງບໍ່ມີຟອນລາວ ກໍ່ເລີຍເຮັດເວັບເປັນພາສາອັງກິດແທນ ແລະອີກຢ່າງນຶ່ງ ລະບົບເວັບໄຊໃນເວລານັ້ນຍັງບໍ່ຮອງຮັບ UTF-8 ຈຶ່ງເຮັດໃຫ້ພາສາລາວບໍ່ສາມາດໃຊ້ການໄດ້ເຕັມເມັດເຕັມໜ່ວຍເທື່ອ ເປັນຕົ້ນ.

ເວລາຜ່ານໄປ ເວັບໄຊທີ່ເກີດຂຶ້ນໃນຍຸກທຳອິດກໍ່ເລີ່ມຢຸດໄປ ເທື່ອລະເວັບ … ເທື່ອລະເວັບ ຈົນທີ່ສຸດແລ້ວ ເຫຼືອພຽງບໍ່ເທົ່າທີ່ຢູ່ມາຮອດທຸກມື້ນີ້ໄດ້ ໃນຂະນະດຽວກັນເວັບໄຊລາວໃໝ່ ໆ ກໍ່ເກີດຂຶ້ນ ແລະດັບໄປ…

ຜູ່ຂຽນສັງເກດວ່າ ສ່ວນຫຼາຍນັ້ນ ເວັບໄຊທີ່ເກີດມາໃໝ່ ມັກຈະມີ Webmaster (ຕໍ່ໄປຈະຂຽນ “ເວັບມາສເຕີ”) ເປັນຄົນຮຸ່ນໃໝ່ ໄຟແຮງ ມີຄວາມມຸ່ງໝັ້ນສູງ (ແລະໝົດໄວ) ມັກຈະຢາກມີເວັບໄຊແບບທີ່ເຂົາເຈົ້າມີກັນ ແລະເປັນທີ່ໂຊກດີທີ່ສຸດ ໃນສະໄໝນີ້ນັ້ນ ການຈະໃຊ້ລະບົບເວັບໄຊຊ່າງງ່າຍດາຍເຫຼືອເກີນ ບໍ່ຄືດັ່ງ 5-6 ປີກ່ອນ ດຽວນີ້ມີ CMS (Content Management System) ໃຫ້ເລືອກຫຼາຍ ເຊັ່ນວ່າ WordPress, Drupal ແລະ Joomla! ສຳລັບເວັບໄຊທົ່ວ ໆ ໄປກໍ່ພຽງພໍແລ້ວ ຫຼືຈະເນັ້ນສະເພາະດ້ານ ເຊັ່ນເປັນກະດານສົນທະນາ ຫຼື Webboard ກໍ່ສາມາດໃຊ້ SMF, phpBB3, IPB ຫຼື vBuleltin ກໍ່ໄດ້. ເຄື່ອງມືເຫຼົ່ານີ້ເປັນແຮງດຶງດູດທີ່ເຮັດໃຫ້ເວັບມາສເຕີໜ້າໃໝ່ ພາກັນຕີວົງກັນເຂົ້າມາເພື່ອຈະໄດ້ເປັນ “ເວັບມາສເຕີ” ນຳເຂົາແດ່ຈັກບາດ ເຊິ່ງມັນກໍ່ເປັນເລື່ອງດີ ທີ່ຢ່າງນ້ອຍທີ່ສຸດ ກໍ່ມີການເລີ່ມຕົ້ນເຮັດຫຍັງຂຶ້ນມາຈັກຢ່າງ.

ເຖິງວ່າຈະມີເຄື່ອງມືດີ ໆ ແລະໃໝ່ ໆ ອອກມາຫຼາຍກໍ່ຕາມ ແຕ່ “ແນວຄຶດ” ກໍ່ຍັງຄົງເດີມ ໃນບັນດາເວັບມາສເຕີສ່ວນຫຼາຍ ຍັງຄົງບໍ່ມີຄວາມຄຶດ ຫຼືຮູບແບບເວັບໄຊຂອງຕົນເອງ. ຈຶ່ງພາໃຫ້ເກີດເວັບໄຊທີ່ມີລັກສະນະຄ້າຍ ໆ ຜຸດຂຶ້ນມາປານດັ່ງດອກເຫັດໃນຜືນດິນຊຸ່ມຊື່ນ. ເວັບໄຊເຫຼົ່ານັ້ນມີຮູບຮ່າງໜ້າຕາຄ້າຍຄືກັນໄປໝົດຕັ້ງແຕ່ກົກ ຈົນສຸດປາຍ ຍົກເວັ້ນພຽງ ຊື່ເວັບ.

ບັນຫາຂອງເວັບມາສເຕີໜ້າໃໝ່ກໍ່ຄື ຄຶດຢາກເຮັດໃຫ້ຄືເວັບຄົນອື່ນ ແຕ່ບໍ່ຄຶດຢາກໃຫ້ຄົນອື່ນເຮັດຄືເວັບຕົນ ໝາຍຄວາມວ່າເວັບມາສເຕີໜ້າໃໝ່ ມັກຈະຢາກເຮັດໃຫ້ໄດ້ດັ່ງເວັບທີ່ມີຊື່ສຽງແລ້ວ ສົມມຸດເຊັ່ນ LaoComputerIT.com ເຊິ່ງເປັນ Webbboard ທີ່ສົນທະນາເລື່ອງຄອມພິວເຕີແລະ IT ເຊິ່ງມີຄວາມນິຍົມສູງ ບັນດານັກສ້າງເວັບມືໃໝ່ກໍ່ຢາກເປັນແບບນັ້ນນຳ ແລ້ວກໍ່ພາກັນໄປສ້າງໃຫ້ຄື ຫຼືຄ້າຍກັນ ເລືອກ Theme ດຽວກັນ, ສ້າງໝວດຄືກັນ, ບາງຄັ້ງເຖິງຂະໜາດວ່າ ເນື້ອຫາຄືກັນ! ແຕ່ອະນິດຈາ.. ປາກົດວ່າ ມັນບໍ່ຄືກັນ ດ້ວຍລືມຄຶດໄປວ່າ ເວັບໄຊທີ່ໄດ້ຮັບຄວາມນິຍົມນັ້ນ ບໍ່ໄດ້ເປັນຍ້ອນລະບົບທີ່ໃຊ້ ແຕ່ເປັນຍ້ອນ: ເນື້ອຫາພາຍໃນເວັບ, ການປະຊາສຳພັນ, ການບໍລິຫານ, ການຕະຫຼາດ, ການເບິ່ງແຍງເອົາໃຈໃສ່, ທີມງານທີ່ມີຄຸນນະພາບ, ຯລຯ ເຫຼົ່ານີ້ເປັນປັດໄຈສຳຄັນ ເປັນກະແຈສູ່ຄວາມສຳເລັດ ເຊິ່ງເວັບມາສເຕີມືໃໝ່ເບິ່ງຂ້າມໄປ. ເວັບໃໝ່ ໆ ທີ່ເກີດຂຶ້ນໃນລາວຈຶ່ງຕັ້ງຢູ່ບໍ່ໄດ້ດົນ ເພາະບໍ່ມີຫຍັງເປັນຂອງຕົນເອງ ບໍ່ມີແມ່ນແຕ່ສິ່ງສຳຄັນ ແລະພື້ນຖານທີ່ສຸດ ນັ້ນຄື “ຄວາມຄຶດ”.

ເວັບໃໝ່ ໆ ທີ່ເກີດຂຶ້ນນັ້ນ ບໍ່ສາມາດຜະຫລິດເນື້ອຫາຂອງຕົນເອງອອກມາໄດ້ ບໍ່ມີນັກຂຽນພາຍໃນເວັບ ແລະເວັບມາສເຕີບໍ່ສາມາດຂຽນເນື້ອຫາໄດ້ ມີແຕ່ເອົາຈາກບ່ອນອື່ນມາ ບໍ່ວ່າຈະເປັນການ Copy & Paste ຫຼືການ Copy & Edit (ເອົາຊື່ຄົນຂຽນເກົ່າອອກ) ກໍ່ຕາມ ສິ່ງເຫຼົ່ານີ້ບໍ່ໄດ້ສ້າງມູນຄ່າໃຫ້ກັບເວັບໄຊເຫຼົ່ານັ້ນເລີຍ ເພາະເປັນສິ່ງທີ່ “ໃຜ ໆ ກໍ່ເຮັດໄດ້”.

ການຈະກ້າວຜ່ານຈຸດນີ້ໄປໄດ້ ເວັບມາສເຕີຕ້ອງມີຄວາມຄຶດສ້າງສັນ ມີແນວທາງຂອງຕົນເອງ ມີເປົ້າໝາຍ ແລະອຸດົມການທີ່ໝັ້ນຄົງ ບໍ່ໄຫຼລອຍໄປຕາມແຮງລົມແລະກະແສນ້ຳ.

ທາງ Search Engine Facts (ຜູ້ຢູ່ເບື້ອງຫຼັງ IBP) ໄດ້ສະຫຼຸບເປັນລາຍການດັ່ງນີ້:

1. Things that you should not do in your web page titles

• Do not use web page titles that have no relation to the content on the page.
• Do not use general web page titles such as “Untitled” or “New Page”.
• Do not use the same title for more than one web page.
• Do not use very long titles that do not help your users.
• Do not stuff unnecessary keywords in your title tag.

2. Things that you should not do in your meta tags

• Do not use meta description tags that have no relation to the web page content.
• Do not use general descriptions such as “My web page” or “About kittens”.
• Do not use only keywords in the description.
• Do not copy the entire content of the web page in the meta description tag.
• Do not use the same description tag on more than one web page.

3. Things that you should not do with your URLs

• Do not use lengthy URLs with unnecessary parameters and session IDs.
• Do not overuse keywords in your URL (kittens-cute-kittens-all-about-kittens.htm).
• Do not use too many sub directories (../here/there/down/2/buried/deep/down/content.htm).
• Do not use directory names that have no relation to the web page content.

4. Things that you should not do with your website navigation

• Do not show the same content with different domains or sub-domains.
• Do not mix www. and non-www. versions of your URLs in your internal links.
• Do not use capitalization in your URLs.
• Do not link every page of your website to every other page of your website.
• Do not over-segment your web page content. Users should be able to access any content with a few clicks.
• Do not base your entire navigation on drop-down menus or images.

5. Things that you should not do with broken links

• Do not use broken links on your web page.
• Do not block search engines from indexing your 404 not found pages.
• Do not use non-descriptive 404 not found pages. Better use 404 web pages that help your website visitors to find the correct page on your website.
• Do not use a 404 not found web page design that is not consistent with the rest of your website.

6. Things that you should not do with your web page content

• Do not use text with many spelling and grammar errors on your pages.
• Do not embed text in images because search engines cannot read it.
• Do not write text about varying topics on a single page without paragraphs, sub-headings or layout separation.
• Do not copy content from other web pages that has no extra value to your website visitors.

ທີ່ມາ – http://news.axandra.com/r.html?uid=1.w.7jg.113.4m5na6218m

ຕໍ່ໄປນີ້ຈະກ່າວເຖິງການສ້າງເວັບໄຊ ແລະຫົນທາງສູ່ການມີເວັບໄຊເປັນຂອງຕົນ…

ຫຼາຍ ໆ ຄົນຢາກມີເວັບ ແຕ່ບໍ່ຮູ້ຊິມີໄດ້ແນວໃດ ບາງຄົນຮອດບໍ່ຮູ້ວ່າ ພວກ .com .net .org .biz .info .cc .la .in .travel .mobi .asia ສາລະພັດເຫຼົ່ານີ້ແມ່ນຫຍັງ ແຕ່ກໍ່ຢາກສ້າງເວັບ ບາງຄົນບໍ່ຮູ້ວ່າ ການຈົດ .com .net .org .ອື່ນ ໆ ມັນເຮັດກັນແນວໃດ ແລະຈົດແລ້ວຈະເລີ່ມສ້າງໄດ້ເລີຍບໍ່? ຫຼືວ່າຕ້ອງເຮັດຫຍັງອີກ ແລ້ວຊິໄປຈ່າຍເງິນນຳໃຜ ຫຼືວ່າສາມາດຊອກດາວໂຫລດໄດ້ໃນອິນເຕີນເນັດ?

ມາ ໆ ໆ ຈະຂໍອະທິບາຍໃຫ້ຟັງຢ່າງຄົນຮູ້ນ້ອຍ ຮູ້ພໍສັງເຂບ ຮູ້ພໍຢ່າງລະໜ້ອຍ ຮູ້ດັ່ງທີ່ເປັດຮູ້ລອຍນ້ຳ ແຕ່ພັດບໍ່ຊ່າງລອຍໃຫ້ຄືປາ ແລະມີປີກ ແຕ່ບິນບໍ່ໄດ້ດັ່ງເຊັ່ນນົກ…

ໃນເບື້ອງຕົ້ນ ການສ້າງເວັບໄຊມັນຈະມີງ່າຍ ໆ ຢູ່ສອງຮູບແບບ ຄື ມີ domain ແລະ hosting ເປັນຂອງເຮົາເອງ ເຮົາເສຍເຊົ່າມາໃຊ້ເອງ ໄດ້ຊື່ເປັນຂອງເຮົາ ໄດ້ hosting ເປັນຂອງເຮົາ (ຈົນກວ່າຈະໝົດອາຍຸເຊົ່າ) ແລະແບບທີ່ສອງຄື ໃຊ້ຂອງຄົນອື່ນ ອາດຈະເປັນບໍລິການຟຣີທີ່ມີຢູ່ທົ່ວໄປ ພວກບໍລິການຟຣີນີ້ ໂດຍທົ່ວໄປແລ້ວຈະເປີດໃຫ້ຄົນເຂົ້າໄປໃຊ້ Hosting ຂອງເຂົາເຈົ້າໄດ້ ເພື່ອແລກກັບໂຄສະນາໃນໜ້າເວັບໄຊຂອງຄົນໄປໃຊ້ບໍລິການ (ຫຼືແບບທີ່ບໍ່ມີໂຄສະນາເລີຍກໍ່ມີ) ພວກນີ້ຈະໃຫ້ domain ເປັນ subdomain ເປັນສ່ວນໃຫຍ່ ເຊັ່ນ http://au8ust.somefreehosting.com/ ເປັນຕົ້ນ ສັງເກດວ່າ au8ust ເປັນຊື່ subdomain ແລະ somefreehosting.com ເປັນຊື່ຂອງເວັບໄຊໃຫ້ບໍລິການຟຣີ hosting…

ສຳລັບຮູບແບບທີ່ ໑ ກໍ່ຄື ແບບເສຍເງິນນັ້ນ ເຮົາຈະໄດ້ແມ່ນຊື່ domain ຫຼືທີ່ເອີ້ນວ່າ domain name ທີ່ເປັນຂອງເຮົາ ເຊັ່ນວ່າ loveoflao.com ເປັນຕົ້ນ ໃຫ້ສັງເກດວ່າ ມີ .com ຕໍ່ທ້າຍ ອັນນີ້ແມ່ນຫຍັງ? .com ຫຼື .net ຫຼື .org ຫຼື . ອື່ນ ໆ ( . ອ່ານວ່າ ດອດ –dot ແປວ່າ ຈ້ຳເມັດ) ພວກນີ້ເອີ້ນວ່າ top level domain ຫຍໍ້ເປັນ TLD ຈະໝາຍເຖິງ level ຂອງ domain ສູງສຸດ ເຊິ່ງມີຫຼາຍແບບ ເຊັ່ນ .com .net .org .info .mobi .asia .travel .la .th .jp ແລະອື່ນ ໆ ເຊິ່ງ TLD ແມ່ນ ICANN (Internet Corporation for Assigned Names and Numbers)ເປັນຄົນເບິ່ງແຍງຢູ່ ໂດຍທົ່ວໄປແລ້ວ ໃນປັດຈຸບັນນີ້ ບໍ່ສາມາດຈົດທະບຽນ TLD ໄດ້ເອງ ຕ້ອງໃຫ້ ICANN ເປັນຜູ້ອະນຸມັດ ເຊິ່ງໃຊ້ເວລາດົນນານຫຼາຍປີກວ່າຈະສາມາດອະນຸມັດໄດ້ຊື່ໜຶ່ງຂຶ້ນມາ.

TLD ໃນຍຸກທຳອິດຂອງອິນເຕີເນັດແມ່ນ .com ເຊິ່ງຫຍໍ້ມາຈາກ commercial ເພາະໃນຍຸກສະໄໝທີ່ມີອິນເຕີເນັດໃໝ່ ໆ ແມ່ນໃຊ້ເພື່ອການຄ້າ ແລະທຸລະກິດຕ່າງ ໆ ຫຼາຍກວ່າທີ່ຈະໃຊ້ເພື່ອການສ່ວນຕົວ ເນື່ອງດ້ວຍລາຄາທີ່ແພງນັ້ນເອງ ແລ້ວບາດນີ້ ຈະຈົດ domain name ໄດ້ຢູ່ໃສ? ແລະລາຄາເທົ່າໃດ? domain name ນັ້ນສາມາດຂໍຈົດໄດ້ຕາມຜູ້ໃຫ້ບໍລິການຈົດ domain name ທີ່ເອີ້ນວ່າ Domain Registrar ໄດ້ເຊິ່ງກໍ່ມີຢູ່ຫຼາຍບໍລິສັດທີ່ຮັບເຮັດໃນດ້ານນີ້ ໃນຕ່າງປະເທດກໍ່ມີ godaddy.com, register.com, mydomain.com ເປັນຕົ້ນ. ໃນດ້ານລາຄານັ້ນກໍ່ມີຕັ້ງແຕ່ $6 ໄປຈົນຮອດ $35 ຕໍ່ປີ ບາງຜູ້ໃຫ້ບໍລິການອາດຈະມີ promotion ເຊັ່ນຈົດປີທຳອິດຫຼຸດລາຄາໃຫ້ ສ່ວນປີຕໍ່ ໆ ໄປແມ່ນລາຄາປົກກະຕິກໍ່ມີ ແລະການຈົດ domain name ນີ້ ສາມາດຈົດໄດ້ຕ່ຳສຸດ 1 ປີ ຫຼາຍສຸດບໍ່ເກີນ 10 ປີ. ອີກຢ່າງໜຶ່ງທີ່ຄວນຮູ້ກໍ່ຄື TLD ແຕ່ລະຊື່ ລາຄາບໍ່ເທົ່າກັນ .com .net .org ເປັນ TLD ທີ່ນິຍົມໃຊ້ກັນຫຼາຍ ລາຄາຈະໃກ້ຄຽງກັນ ອາດຈະມີບາງເວລາທີ່ .org ຖືກລົງ ຫຼື .com ແພງຂຶ້ນ ແຕ່ TLD ທີ່ມີລາຄາແພງແມ່ນຈຳພວກ .tv .travel .asia .la ພວກນີ້ແພງ ບາງບ່ອນລາຄາ $40 ຕໍ່ປີກໍ່ມີ ເຊິງນັບໄດ້ວ່າແພງຫຼາຍເມື່ອທຽບກັບ dot ອື່ນ ໆ

ສຳລັບເລື່ອງ “ເມື່ອຂ້າພະເຈົ້າຢາກມີເວັບໄຊ” ຕອນທີ່ ໑ ກໍ່ຂໍຈົບລົງພຽງເທົ່ານີ້ກ່ອນ ຕອນໜ້າຈະມາເວົ້າຮອດເລື່ອງ Hosting ກັນຕໍ່ ກໍ່ບໍ່ຮູ້ວ່າຄົນອ່ານ ອ່ານແລ້ວຮູ້ເລື່ອງກັນບໍ່ ເພາະໂດຍສ່ວນຕົວແລ້ວ ຜູ້ຂຽນບໍ່ໄດ້ຊຳນານໃນດ້ານການອະທິບາຍເລື່ອງພໍປານໃດ ແນວໃດກໍ່ ອົດສາອ່ານ ໆ ໄປເອົາເນາະ

ແລ້ວຍົມມະທູດກໍ່ມາຫາຄົນລ້ຽງຫ່ານ ເພື່ອບອກວ່າ ເຖິງເວລາຂອງລາວແລ້ວ ຄົນລ້ຽງຫ່ານລອຍນ້ຳໄປຈົນຮອດອີກຝັ່ງ ຫ່ານທີ່ລາວລ້ຽງໄວ້ກໍ່ລອຍນ້ຳຕາມຫຼັງມາ ເມື່ອມາຮອດຝັ່ງກໍ່ກາຍເປັນແກະສີຂາວ ຍົມມະທູດບອກກັບຄົນລ້ຽງຫ່ານວ່າ ໃນໂລກນີ້ ຄົນລ້ຽງແກະຄືພະຣາຊາ ແລະກໍ່ມີພະຣາຊາຫຼາຍຄົນມາມອບມົງກຸດໃຫ້ກັບລາວ ແລ້ວຄົນລ້ຽງຫ່ານກໍ່ອາໄສຢູ່ໃນໂລກໃໝ່ຢ່າງມີຄວາມສຸກຕະຫຼອດໄປ…

ອ່ານຈົບແລ້ວພໍຈະຕີຄວາມໝາຍອອກບໍ່? ນິທານເລື່ອງນີ້ເປັນໜຶ່ງໃນຊຸດນິທານຂອງ Grimm’s Fairy Tales ເຊິ່ງຖືກຕັດອອກໃນເວລາຕໍ່ມາ

ທີ່ມາ – al fine

ກຳລັງຂຽນເລື່ອງຊ່ວຍກັນແປ WordPress ພາສາລາວ ຂຽນໄປໄດ້ຈົນສຸດລະວ່າກົດ Preview ແລ້ວມັນກໍ່ ກໍ່ ກໍ່ ກໍ່ ຫາຍຍຍຍຍຍຍ ໂອຍຍຍຍຍ

ເຊັງ ເຊັງ ເຊັງ ເດ້

ໄວ້ອາລົມດີ ໆ ຄ່ອຍມາຂຽນໃຫມ່ ຕອນນີ້ເສົ້າໃຈ

ເຫັນເຂົາເຮັດ ກໍ່ລອງເຮັດນຳ ແຕ່ມີປັນຍາເຮັດໄດ້ເທົ່ານີ້ລະ ໕໕໕

ຢາກທົດສອບຄວາມເປັນ Nerd? ຄລິກຄ່ອຍ ໆ

ການຂຽນບລັອກ ຄວາມຈິງມັນມີຫລາຍຢ່າງທີ່ຫນ້າສົນໃຈ ການຂຽນບລັອກມີປະໂຫຍດຫລາຍຢ່າງ ເຮົາສາມາດໃຊ້ມັນເພື່ອເຝິກແອບທັກສະການນຳສະເຫນີໄດ້ ເປັນວິທີການທີ່ດີ ທີ່ຈະຮຽນຮູ້ການຖ່າຍທອດຄວາມຮູ້ສຶກ ໃຫ້ຜູ້ອື່ນໄດ້ຮັບຜູ້ຜ່ານຕົວອັກສອນໃນຫນ້າຈໍຄອມພິວເຕີ ຄົນຂຽນບລັອກ ບໍ່ຈຳເປັນຕ້ອງເປັນນັກຂຽນຊື່ດັງ ບໍ່ຈຳເປັນຕ້ອງມີເງິນເພື່ອຈັດພິມຫນັງສືຂອງຕົນເອງ ບໍ່ຈຳເປັນຕ້ອງຕິດຕໍ່ສຳນັກພິມໃດ ໆ ຫຼືບໍ່ຈຳເປັນຕ້ອງປະກາດໃຫ້ຄົນມາອ່ານ ແຕ່ທຸກຢ່າງຈະເປັນໄປເອງຜ່ານໂລກອິນເຕີເນັດ

ໃນຫລາຍ ໆ ຄັ້ງ ບົດຄວາມຂອງຄົນຂຽນບລັອກຫນຶ່ງ ໆ ອາດຈະມີປະໂຫຍດກັບຄົນອື່ນ ໆ ກໍ່ເປັນໄດ້ ບາງຄົນຂຽນເລົ່າກ່ຽວກັບວຽກງານຂອງຕົນເອງ ບາງຄົນຂຽນເລົ່າກ່ຽວກັບສິ່ງທີ່ຕົນເອງສົນໃຈ ບາງຄົນຂຽນໃນສິ່ງທີ່ສົງໄສ ແລະກໍ່ມີຄົນທີ່ມີຄວາມສົນໃຈໃນສິ່ງດຽວກັນເຂົ້າມາອ່ານ ມາຕອບ ມາໃຫ້ຄຳຄິດເຫັນ ໃຫ້ທັດສະນະໃນເລື່ອງນັ້ນ ໆ ຈະເວົ້າໄປແລ້ວ ມັນກໍ່ຄ້າຍ ໆ ກັບການເລົ່າເລື່ອງສູ່ກັນຟັງ ພຽງແຕ່ເປັນໃນຮູບແບບຂອງ eletronic ເທົ່ານັ້ນເອງ

ຂຽນໄປກໍ່ບໍ່ໄດ້ເງິນ!

ຫາກຈະເວົ້າໄປແລ້ວ ຕ້ອງຍອມຮັບວ່າ ເປັນຄວາມຈິງແທ້ ໃນເວລານີ້ ເຮົາຈະຂຽນບລັອກໄປກໍ່ບໍ່ໄດ້ເງິນ ແຕ່ຢ່າລືມວ່າ ໂລກນີ້ບໍ່ໄດ້ມີແຕ່ເລື່ອງເງິນ ໆ ທອງ ໆ ເທົ່ານັ້ນ ເຮົາອາດຈະຂຽນບລັອກ ເພື່ອແບ່ງປັນຄວາມຮູ້ສຶກ ໃຫ້ກັບຄົນທີ່ສົນໃຈໃນສິ່ງໃດຫນຶ່ງຄ້າຍ ໆ ກັນ ໄດ້ພົບປະກັບຄົນອື່ນ ໆ ໄດ້ຮູ້ຈັກກັນຫລາຍຂຶ້ນຜ່ານຂໍ້ມູນທີ່ຖືກສົ່ງໄປທາງສາຍໂທລະສັບ ຫລາຍຄົນອາດຈະຄົ້ນພົບດ້ວຍຕົນເອງໃນພາຍຫລັງວ່າ ບລັອກ ແລະອິນເຕີເນັດ ໄດ້ໃຫ້ຫຍັງຫລາຍ ໆ ຢ່າງກັບເຮົາ ໂດຍທີ່ເຮົາບໍ່ຄິດມາກ່ອນກໍ່ເປັນໄດ້!

ຄິດວ່າ ຕອນນີ້ຄົງຕ້ອງໄດ້ຄັດ ໆ ກ່ອນວ່າອັນໃດທີ່ມັນໃຊ້ໄດ້